Veterem atque antiquam rem novam ad te proferam, ut Plautinis verbis utar. Sed nunc potius afferam Quintilianeum argumentum, quod hodie vesperi tractare placuit. Rhetor enim ille unus ex priscis scriptoribus Latinis fuit qui fraternitatis nomen passim adhibuit, et pulchre quidem. Iuxta eius sententiam, exempli gratia, nulla est amicitia quae comparari possit cum necessitate inter fratres. Neque ipse, quantum recordor, maioribus gaudiis sum affectus, nisi cum tempus apud meos degi. Fraternitas nempe, quemadmodum Quintilianus circumscripsit, nil aliud nisi divisus spiritus est, eamque ob causam fratres primi omnium facile conspirant. Alter alterius mentem intuetur. Alter alterius curam libenter gerit. Satis est fraternitatem nominare ut statim intellegatur magna artaque coniunctio.
Contra non intellegent homines quantum boni fraternitas habeat qui numquam dissederunt. Inter fratres namque, ut fieri solet, intersunt aliquando rixae, aliquando dissensiones. Nemo est frater qui cum fratre non pugnavit. At reconciliatio posthac est dulcior praeteritis discordiis. Immo pro fratre vitam meam apponam, nihil enim mihi carius est. Ceteroqui sunt fratres aliquando perfugium quarumdam naturalium aerumnarum. Ut dulcius, ait Quintilianus, serenum post tempestates est, ita nostris animis laceratis et domi castigatis velut portus ille fraternitatis occurit.
En thesaurum nobilem. Cum fratribus meis fui puer, nauta, pirata, scurra, miles, custos, praedo, perfuga, sodalis, amicus, ultor, iudex, magister, discipulus, histrio necnon frater. Fui quidquid fieri volui. Sicut tecum, quocum et a quo multum didici.
Habes igitur has litteras veluti munusculum quoddam, quod nulla alia nisi fraternitatis causa tibi tribuere volui. Et ut Plautinis iterum verbis perficiamus tu, qua es caritate, forsitan dicas: Condignum est donum, qualis est qui donum dedit. Ego autem, sicut idem apud Plautum legitur, respondebo: Immo qualis est cui datum est. Vale.
Scribebam iuxta Sanctam Crucem apud Vindobonam kal. Iul. a MMXV a salute recuperata
La preghiera a Maria che scioglie i nodi è una delle suppliche più usate dai cristiani per chiedere aiuto alla…
'Asciuga Bambino Gesù le lacrime dei fanciulli!'. Recitiamo in questo tempo di Avvento la preghiera più dolce di San Giovani…
Una nuova settimana in compagnia di Padre Pio Leggi le frasi di Padre Pio e invoca la sua potente intercessione…
Benvenuti sul sito www.papaboys.org! Siamo lieti di presentarvi la preghiera della sera alla Madonna di Lourdes, intitolata 'Io sono l'Immacolata…
POZZUOLI - Assegnato al giornalista siciliano Salvatore Di Salvo, segretario nazionale dell’Ucsi e Tesoriere dell’Ordine dei Giornalisti di Sicilia, il…
La preghiera all' Immacolata di Giovanni Paolo II Una potente supplica di Giovanni Paolo II a Maria Santissima.. Il testo:…
